الصليب علامة صلح

الصليب علامة صلح لأن الكتاب بيقول فى افسس (عاملاَ الصلح بدم صليبه)

 طبعا كلنا فهمين الحتة دى ، ان المسيح اختار العلامة دى بالذات علشان يتعلق فى الهواء بين السما والارض .

 ومرة يكلم الأب ومرة يكلم البشر، علشان يبان انه بيعمل عهد صلح ، وبعدين فى ايد يمين وايد شمال علشان يلم الدنيا كلها (الأمم واليهود ) .
الاصل احنا اتخلقنا علشان نعيش فى السما ، احنا اتطردنا للارض أحنا منفيين على الارض . وبالتالى بما ان الصلح تم يبقا المفروض ننزل معانا بسبورات نرجع ندخل السما تانى .
 مدام حصل صلح يبقى بالبطاقة الشخصية تعدى .  فمعنى الصليب علامة صلح يبقى (لا للارض أو لا للعالم) .
يعنى مفيش عمار بينى وبين الدنيا خالص ، كفرت بالدنيا بعد الصليب ، انا مش تبع الدنيا دى .
 ان مينفعش تعيش للدنيا ، كل الىٌ حواليك عايشين للعالم لطموحاته لانجازاته لشهواته لطلباته للموضة بتاعته ، مينفعش تمشى فى نفس السكة . 
هما معندهمش صليب زى عندنا ، فلازم يفكروا فى الحجات دى .
المسيح بيقول تعالوا ورايا وأدخلوا السما نقول له لأ أحنا حابين الارض .
ربنا يسوع قال ( أنا ان ارتفعت عن الأرض أجذب ألىٌ الجميع ) تجذبهم على فين ؟ على السما .قال هشدكوا شد كدا لأنه عارف قوة الصليب ، أنا لما أطلع على الصليب هشدكوا للسما . طيب لو متشدناش ... يبقى مش عايزين نقول لأ للعالم أو لا للأرض .
 يبقى حمل الصليب بيحملنى معنى ان لو كنت مسيحى حقيقى الصليب شغلنى يبقى لازم اقول لا للعالم بكل أشكالة .

علشان يصلح الكل ، فالصليب علامة صلح .

الصلح دا معناه أيه ؟ وهو الاصل ايه السماء ولا الارض ؟

دا قال فى نفس الرسالة (حاشا لى ان افتخر ألا بصليب ربنا يسوع المسيح الذى به صلب العالم لى وأنا صلبت للعالم ).

وبأمارة الصليب لأنه علامة صلح انا معايا تصريح ادخل السما .

المسيح اتعلق على الصليب علشان يفتح السما ، هو دا المفتاح بتاع ملكوت السموات ،أذا(مع المسيح صلبت أحيا لا أنا وأحيا لا للعالم )الصليب بيكلفنى كدا ، بيحملنى المسؤلية دى .

انما انت مكانك الطبيعى السما .... فأحيا لا للعالم .... مينفعش تعيش للدنيا تبقى قلعت صليبك ، او انكرت بالمصلوب . يعنى كل مرة نجرى ورى الدنيا والفلوس الزيادة معناه ان احنا بنقول للمسيح مش عايزيين صليبك .