الصليب علامه نصره
احنا بنروح نرفع الصليب بفخر دلوقتى مع ان الصليب اساسا علامة بهدلة علامة عار .
انتوا متخيلين انها حاجة تكسف لان طريقة الاعدام كدا ، مش حاجة فيها فخر .
بعد المسيح تحولت الى علامة نصرة بيقول ( حاشا لى ان افتخر الا بصليب ربنا يسوع ) وقالها فى كولوسى (فى الصليب جرد الرياسات والسلاطين واشهرهم جاهرا ظافرا بهم فى الصليب ).يعنى ايه؟ عارفين لما يكونوا جيشين بيحاربوا بعض وبعدين جيش يكسب يجيبوا الجينرالات
الكبار بتوع الجيش التانى ويوقفوهم ويجردوهم من الضبابير بتاعتهم علشان يدوسوا على كرامتهم علشان يحسسوهم انتوا أتغلبتم .دا التعبير الىٌ قصدة بولس :
ان بصليب المسيح جرد الشيطان من الضبابير بتاعته من قوته لانة ظفر بهم فى الصليب .
فالصليب علامة نصرة كل الىٌ ماسك صليبه وماشى وراء المصلوب هيدخل السما ، انتصر على الشيطان .يبقى هنا (لا لليأس ) لا؟ ساعات يجلنا فكرة انا وحش انا فاشل انا ضايع انا مش هقدر .
اوعى تقول كدا طول ما انت ماسك صليب اوعى تقول مش هقدر اوعى تقول مفيش فايدة ، مينفعش وانت ماسك الصليب .
الصليب دا الضربة القاضية الصليب دا الكاس ألىٌ اداهولك المسيح ، كاس النصرة .
فطالما فى علامة صليب علامة النصرة فلازم تقول ( لا لليأس ) .كتير اوى بيتعرضوا لمشاعر اليأس بنقلهم علقوا صورة الصليب قصادكم؟
يبقى بعد الىٌ عملوا المسيح دا كلة تقول مفيش فايدة مش ممكن (الذى لم يشفق على ابنة الوحيد بل بذلة لأجلنا أجمعين كيف لا يهبنا معة كل شىء)
أيه تانى أصعب من الى ٌ عمله المسيح أية الىٌ ممكن يقف قدام ربنا يسوع المسيح ( من سيفصلنا عن محبة المسيح ) (يعظم انتصارنا بالذى احبنا ) كل دى معانى جوة الصليب وبالتالى ترفع رأسك وتقول (لأ مش ممكن أيأس ) حتى ولو انا وحش جدا حتى لو المشاكل فوق طاقتى حتى لو الدنيا كلها فوق دماغى مش هيأس ؟
الصليب بيقولى متيأسش يبقى علامة النصرة (لا لليأس ) .
0 التعليقات :
إرسال تعليق