الصليب علامة جهاد

الصليب علامه جهاد لان حمل الصليب معركة بين المسيحى وبين الشيطان وحسمها بالصليب ،

 الصليب علامة الحرب . 

معركه بين قسوة الناس على الارض وظلم الناس وأفتراء الناس ان كانوا (امم أو يهود)

وبين وداعة المسيح وصبر المسيح ،

والمسيح كسب المعركه لكن احتاجت منه المعركه  تعب كتير اوى .

ألام المسيح على الصليب صعبة جدا ، من ليلة صلبه وهو متألم وحزين .

فالصليب علامة جهاد . فأحنا لما بنتمسك بالصليب بيطالبنا بالتعب بيطالبنا بالجهاد ،

 الصليب مش علامة راحة وبالتالى علامة الصليب كجهاد بتقول (لا للجسد ) يعنى أيه؟

 يعنى أذا كان الصليب بيفكرك بالجهاد طيب اكتر حاجة معطلاك هى أيه؟ الجسد

المسيح صلب جسده ، صلب جسد وانت علشان  علشان تصلب جسدك .

 فيبقى الصليب بيقول (لا للجسد)

لا للجسد يعنى أيه؟ ........

يعنى انت مش ملك الجسد ، بولس اعد يشرحها فى رومية وقال تعالوا فكروا معايا انتوا ملك لمين بطريقتة الفلسفية هل انتوا ملك للجسد ولا ملك للروح ؟ .....

مين ألىٌ اشتراكوا دلوقتى ؟ انتوا اشتراكوا روح المسيح لحسابة ، فلا تصيروا عبيداً للجسد ، معتوش ملك للجسد ، مش من حق الجسد يشتريك ، الجسد مدفعش فيك حاجة ، الجسد وعدك بشوية تراب فى القبر ،

يقولك أمشى ورايا كل وأشرب وأنبسط وهديك أيه شبرين فى الارض .

لكن الروح بيوعدك ويقول لك أمشى ورايا وأديك ملكوت السموات .

 فأذا كنت فاهم يعنى أيه صليب لازم تقول (لا للجسد) مش كل أكلة ومش كل راحة ومش كل الجسديات

لأ يعنى  (أقمع جسدى وأستعبدة) له؟

لانى شايل الصليب ، لانى ماشى ورا المصلوب (أن اراد أحدا أن يكون لى تلميذا فلينكر نفسه ويحمل صليبه) معنى ان شايل صليبه أنه بيصلب جسده 

فى أية جميلة بتقول (الذين هم للمسيح قد صلبوا الجسد ) يعنى علامة انك مسيحى حقيقى أنك انت بتصلب جسدك مع الاهواء والشهوات

يبقى  معنى الصليب علامة الجهاد يبقى (لا للجسد)